تتوجه أبلة شكوى لمكتب التوجيه العام للتربية الفنية لتكتب لها طلب نقل من المدرسة بعد أن طفح الكيل من أبلة حقنة
- السلام عليكم أبلة ريادة
- وعليكم السلام أبلة شكوى ....اتفضلى
تجلس أبلة شكوى على الكرسى المواجه لأبلة ريادة الموجه العام للتربية الفنية وتضع على مكتبها ورقة بها طلب نقلها من المدرسة
- ايه ده يا أبلة شكوى...؟
ده طلب نقلى من المدرسة اللى أنا فيها يا أبلة ريادة ....أنا خلاص طفح الكيل ومش قادرة أستحمل أكتر من كده .....انقلينى لأى مدرسة تانية .. المهم تبعدينى عن أبلة حقنة وشرها
- تانى أبلة حقنة ....فيه ايه بس ....أنتم مش مرتاحين ليه مع بعض ...؟ مع أن الكل بيحبك يا شكوى فى المدرسة حتى أبلة فتكات بتشكر فيكى وفى شغلك
- ماهى دى المصيبة ....؟ أبلة حقنة كل لما تلاقى أن زملائى والطالبات بالمدرسة بيحبونى .....قلبها يشيل منى وتقول فى قصايد شعر عند أبلة فتكات تخليها تقلب على .....وآخرتها بوظت لى الشغل بتاع المعرض يا أبلة ...يرضيكى الكلام ده وبتنكر أنها هى اللى عملت كده ...مع أن فيه طالبة شافتها وهى خارجة تجرى من الأوضة قبل ما أدخل بالبنات الحصة
- لا يا شكوى ...مش للدرجة دى ....تبوظلك شغلك ...!؟ ...عموما أنا هأقعد معاها وأشوف هى بتعمل كده ليه معاكى ....بس ما تزعليش نفسك ...أنتى عارفة أنى بحبك وما أحبش حد يزعلك
- يا أبلة ريادة أرجوكى أنا بجد تعبت ....وكمان مش عارفة أركز فى أى شغل بأعمله بسبب المشاكل اللى بتزرعهالى أبلة حقنة كل شوية
- هدى نفسك بس ....هاتى ياستى الطلب وأنا هحاول أشوف المدارس الفاضية عندى اللى قريبة من بيتك ....أنتى عارفة أن فيه عجز فى مدرسين مادتنا وصعب على أنقل حد من مدرسته لأنه شايل جدول كامل
- يا أبلة ريادة ...أى مدرسة ....مش مهم بعيدة ولا قريبة ....أنا اتعودت خلاص على بهدلة المواصلات ....المهم أرجوكى ابعدينى عن أبلة حقنة
وفى هذه اللحظة يرن تليفون المكتب عند أبلة ريادة
- آلو ..... مين معايا .. أهلا وسهلا يا فندم ....
وتستغرق المكالمة حوالى عشر دقائق مع أبلة ريادة ثم تنهى المكالمة قائلة
- حاضر ...هأبعتلك باذن الله مدرسة ممتازة خلال الاسبوع ده ....مع السلامة
ثم تنظر أبلة ريادة لأبلة شكوى فى ابتسامة حانية لتبشرها بالخبر الذى تنتظره
- أبشرى ياستى ....مدير مدرسة الأوائل النموذجية ...هو اللى كان معايا على التليفون وبيقولى أن أبلة هند وضعت مولودها امبارح واتصلت بالمدرسة تبلغهم الخبر ...وطبعا دى هتبقى فى أجازة لمدة 3 شهور .....ها ...ايه رأيك ...تحبى تروحى الفترة دى تمسكى جدولها هناك لغاية لما اشوفلك مدرسة تانية أو يمكن أبلة هند تاخد أجازة رعاية طفل ....وساعتها ياستى أثبتك فى المدرسة دى
نظرت أبلة شكوى لأبلة ريادة وانفرجت أسارير وجهها لسماع تلك البشرى السارة وأنها أخيرا سوف ترتاح من وجه أبلة حقنة الذى كان يلاحقها حتى فى أحلامها.... ثم قالت
- استعنت بالله ....على بركة الله يا أبلة ريادة
- كده بقى أنا هأبعتلك على مدرستك نشرة بندبك للفترة دى وهأجيب حد بدالك يشيل جدولك يكون ندب برضه .....
- كتر خيرك يا أبلة ريادة
- يعنى ما سألتنيش المدرسة فين مكانها ؟
- فى أى مكان يا أبلة .....مش هتفرق ....ربنا هو المعين
- عموما المدرسة دى يا ستى مش بعيدة قوى عن بيتك .... يعنى ممكن تتمشيها كمان ....المهم تثبتى جدارتك فيها ....خلى بالك كمان أنها مدرسة تجريبى يعنى أولاد وبنات وهتلاقيهم متدلعين شوية ....خليكى صبورة معاهم وبالك طويل وهم بالتأكيد هيحبوكى علشان أنتى بتحبى شغلك
ها ....مبسوطة
- الحمد لله يا أبلة ريادة ....أنا فى انتظار نشرة الانتداب دى على أحر من الجمر
- استعينى بالله يا شكوى
- استعنت بيك يارب ....لله الأمر من قبل ومن بعد
- السلام عليكم أبلة ريادة
- وعليكم السلام أبلة شكوى ....اتفضلى
تجلس أبلة شكوى على الكرسى المواجه لأبلة ريادة الموجه العام للتربية الفنية وتضع على مكتبها ورقة بها طلب نقلها من المدرسة
- ايه ده يا أبلة شكوى...؟
ده طلب نقلى من المدرسة اللى أنا فيها يا أبلة ريادة ....أنا خلاص طفح الكيل ومش قادرة أستحمل أكتر من كده .....انقلينى لأى مدرسة تانية .. المهم تبعدينى عن أبلة حقنة وشرها
- تانى أبلة حقنة ....فيه ايه بس ....أنتم مش مرتاحين ليه مع بعض ...؟ مع أن الكل بيحبك يا شكوى فى المدرسة حتى أبلة فتكات بتشكر فيكى وفى شغلك
- ماهى دى المصيبة ....؟ أبلة حقنة كل لما تلاقى أن زملائى والطالبات بالمدرسة بيحبونى .....قلبها يشيل منى وتقول فى قصايد شعر عند أبلة فتكات تخليها تقلب على .....وآخرتها بوظت لى الشغل بتاع المعرض يا أبلة ...يرضيكى الكلام ده وبتنكر أنها هى اللى عملت كده ...مع أن فيه طالبة شافتها وهى خارجة تجرى من الأوضة قبل ما أدخل بالبنات الحصة
- لا يا شكوى ...مش للدرجة دى ....تبوظلك شغلك ...!؟ ...عموما أنا هأقعد معاها وأشوف هى بتعمل كده ليه معاكى ....بس ما تزعليش نفسك ...أنتى عارفة أنى بحبك وما أحبش حد يزعلك
- يا أبلة ريادة أرجوكى أنا بجد تعبت ....وكمان مش عارفة أركز فى أى شغل بأعمله بسبب المشاكل اللى بتزرعهالى أبلة حقنة كل شوية
- هدى نفسك بس ....هاتى ياستى الطلب وأنا هحاول أشوف المدارس الفاضية عندى اللى قريبة من بيتك ....أنتى عارفة أن فيه عجز فى مدرسين مادتنا وصعب على أنقل حد من مدرسته لأنه شايل جدول كامل
- يا أبلة ريادة ...أى مدرسة ....مش مهم بعيدة ولا قريبة ....أنا اتعودت خلاص على بهدلة المواصلات ....المهم أرجوكى ابعدينى عن أبلة حقنة
وفى هذه اللحظة يرن تليفون المكتب عند أبلة ريادة
- آلو ..... مين معايا .. أهلا وسهلا يا فندم ....
وتستغرق المكالمة حوالى عشر دقائق مع أبلة ريادة ثم تنهى المكالمة قائلة
- حاضر ...هأبعتلك باذن الله مدرسة ممتازة خلال الاسبوع ده ....مع السلامة
ثم تنظر أبلة ريادة لأبلة شكوى فى ابتسامة حانية لتبشرها بالخبر الذى تنتظره
- أبشرى ياستى ....مدير مدرسة الأوائل النموذجية ...هو اللى كان معايا على التليفون وبيقولى أن أبلة هند وضعت مولودها امبارح واتصلت بالمدرسة تبلغهم الخبر ...وطبعا دى هتبقى فى أجازة لمدة 3 شهور .....ها ...ايه رأيك ...تحبى تروحى الفترة دى تمسكى جدولها هناك لغاية لما اشوفلك مدرسة تانية أو يمكن أبلة هند تاخد أجازة رعاية طفل ....وساعتها ياستى أثبتك فى المدرسة دى
نظرت أبلة شكوى لأبلة ريادة وانفرجت أسارير وجهها لسماع تلك البشرى السارة وأنها أخيرا سوف ترتاح من وجه أبلة حقنة الذى كان يلاحقها حتى فى أحلامها.... ثم قالت
- استعنت بالله ....على بركة الله يا أبلة ريادة
- كده بقى أنا هأبعتلك على مدرستك نشرة بندبك للفترة دى وهأجيب حد بدالك يشيل جدولك يكون ندب برضه .....
- كتر خيرك يا أبلة ريادة
- يعنى ما سألتنيش المدرسة فين مكانها ؟
- فى أى مكان يا أبلة .....مش هتفرق ....ربنا هو المعين
- عموما المدرسة دى يا ستى مش بعيدة قوى عن بيتك .... يعنى ممكن تتمشيها كمان ....المهم تثبتى جدارتك فيها ....خلى بالك كمان أنها مدرسة تجريبى يعنى أولاد وبنات وهتلاقيهم متدلعين شوية ....خليكى صبورة معاهم وبالك طويل وهم بالتأكيد هيحبوكى علشان أنتى بتحبى شغلك
ها ....مبسوطة
- الحمد لله يا أبلة ريادة ....أنا فى انتظار نشرة الانتداب دى على أحر من الجمر
- استعينى بالله يا شكوى
- استعنت بيك يارب ....لله الأمر من قبل ومن بعد
